இலங்கையில் மிரட்டி மசூதியை மூடிய அமைச்சர்.....!!

கொழும்பு - இலங்கையில் மாகாண அமைச்சர் ஒருவர் முஸ்லிம்களின் வணக்கஸ்தலமான பள்ளிவாசலை மூடச் சொன்னதால் அங்கு பெரும் பதற்றம் ஏற்பட்டுள்ளது.
இலங்கையில் உள்ள ஊவா மாகாணத்தில் பதுளை மஹியங்கனை  என்ற இடத்தில் மஸ்ஜிதுல் அரபா மசூதி உள்ளது. இன்று (19.07.13) காலையில் அங்கு ஊவா மாகாண அமைச்சர் வந்து, மசூதியில் தொழுகைகளை நடத்தக் கூடாது என மிரட்டியுள்ளார்.
மக்கள் தினமும் ஐந்து வேளைமசூதியில் தொழுகைப் புரிகின்றனர். வெள்ளிக்கிழமைகளில் மதியம் ஜூம்ஆ என்ற சிறப்புத் தொழுகை நடைபெறுகிறது. அமைச்சரின் மிரட்டலை அடுத்து மசூதி மூடப்பட்டு விட்டதால்   ஜூம்ஆ  தொழுகையும் நடைபெறவில்லை. இதனால் அந்தப் பகுதி முஸ்லிம்கள் கொந்தளிப்பில் இருக்கின்றனர். 

இதே மசூதியில் சில தினங்களுக்கு முன்பாக, மர்ம நபர்கள் சிலர் பன்றி இறைச்சியினை வீசியது குறிப்பிடத்தக்கது.

No comments:

Post a Comment